ادب وشعر | كل شي انوجدله بهالوقت حل وجاب بقلم حنا حزان

السبت 28.09.2024

الرئيسية >> ادب وشعر

(اضف تعقيب)

كل شي انوجدله بهالوقت حل وجاب بقلم حنا حزان

2014-02-01 19:57:29

كل شي انوجدله بهالوقت حل وجاب   والتكنولوجيا سيطرت ع عقولنا\
حتى المطر والبرق صار بشهر اّب   ان احوجت من اجل ري حقولنا
والكمبيوتر والمواقع هب دب          والفيس بوك واليو تيوب بدارنا
من الفجر حتى الفجراخبار والعاب   والوينر والبنجوهجم ع جيوبنا
قهوة الصبح ما عاد في الها حساب ما في وقت ل شربها نيالنا
ورد التحيه اصبحت ومعها العتاب الاّ على المسيجات ما بيحلالنا
وحل الوظايف والمسائل والحساب حلقة تواصل ع الموبايل لولادنا
والملتقى بين الصبايا والشباب      بالفيس بوك الله يهدي بالنا
اياك تسال شو القصه يا شباب      بتصير رجعي في نظر فتيانا
ومعاهد التجميل وانفتحت بواب   واسواق تزيين القطع باجسامنا
بدّك عينيك تكون خضره والاهداب ورموش سوده مكحله تحلالنا
وخصل الشعر مزروعه عا كل الجناب شي عاليمين شي ع الشمال براسنا
ما عدا تكبير الصدر وعلو الاكعاب والتم وارم هيك بدها زلامنا
وتسريحة الشعراللي ما الها جواب   والجلي كنفش شعرراس رجالنا
والنظارات السود صبايا وعزاب   وما حدا عارف حدا لون عيوننا
وال مش عاجبه يقعد يسكر هالابواب ان شئنا وان ما شئنا هاي حوالنا

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير

تعليق فيسبوك

تعليقك على الموضوع