ادب وشعر | زجل للطّلّاب – مَن جَدَّ وَجَد بقلم :اسماء طنوس المكر

الاثنين 18.11.2024

زجل للطّلّاب – مَن جَدَّ وَجَد بقلم :اسماء طنوس المكر

2015-06-13 21:56:27

زجل للطّلّاب – مَن جَدَّ وَجَد

بَحكي لكُـلِّ الطّـــلّاب --- شِدّوا الهِمِّــه يا أحباب

أعطوا نتيجِه مليـــحَه --- جايِه العُطلِه عالِابواب

_______________________

تذَكَّروا المَثَل شو قال --- اللّي بيِتعب راح ينـــال

واللّي بيِزرع بيُحصُد --- عليك تُدرُس في الِكتاب

_______________________

وِالعـــزيمِــه قَوّيـــها --- وبالمــجـــهـودِ كَــفّــــيها

ونتيجِه اللّي ناويـــها --- بتـلاقيــــها ولا تِرتــــاب

_______________________

حُطّ الأمَـــل قُدّامَــك --- راح بتحــــقّق أحلامَـــك

بُكرَه بتِزهِر أيّامَـــك ---ونجاحَــك بَــعْد الأتـــعاب

________________________

ولمّا النّجـاحِ بتِلقـــاه --- كُـلّ التّعـــب راح تِنســـاه

بِتحَصِّل ياللّي بتِرضاه--- بتنسى التّعب وِالِحْســاب

________________________

عالفشل إنتَ المسؤول--- لِأنَّـــك كُـــنِت كَســــول

بِتلوم حالَــك وبِتقــول --- شو عيني مِنِ الطُّــلّاب

________________________

وِالنّاجح يرفــع إيــدُه ---ربّــي يبـــارِك وِيـزيـــدُه

الِامتِحان ما بـيعيــدُه --- نجـــاحُــه هُــوَّ الجــواب

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير