ادب وشعر | يا ريم استعجلتي كثير بكير لتفارقينا بقلم المربيه كميليا سعدة

السبت 16.11.2024

يا ريم استعجلتي كثير بكير لتفارقينا بقلم المربيه كميليا سعدة

2015-11-19 07:16:20

ريم درويش 18/11/2015

بقلم المربية والمركزه الأجتماعية كميليا سعدة

يا ريم استعجلتي كثير بكير لتفارقينا

بعد ما اعتدنا عليكي هيك راح تتركينا

اعتدنا ع ريم الملاك عهدوئك عودتينا

اعتدنا نفهم عطول انك موجودة معنا

يا ريم استعجلتي كثير بكير لتفارقينا

صاحباتك حكيو للكل وبجد ما فاجأتينا

"كانت توصل قبل الكل وبالبسمة بتلاقينا

وكلمة اشتقتلكو تكون اول ما تشوفينا "

يا ريم استعجلتي كثير بكير لتفارقينا

حكيولي عنك قصص كانت مخفية عنا

الكوري لغة عشقتيها وتمكنتي تحكيها

تحكي وتقولي للكل عكوريا رايحلتها

يا ريم استعجلتي كثير بكير لتفارقينا

لما منحكي شغلة انت مش هاضمتيها

عينكي بتلمع عطول محلا اللمعة اللي فيها

نظرة بتحكي بوضوح شو بتقصدي فيها

يا ريم استعجلتي كثير بكير لتفارقينا

حكمة ربنا في الحياة انك ما تكوني معنا

حكمة ربنا في الحياة انك هيك تفارقينا

لتكوني بالسما ملاك كيف ما كنتي معانا

يا ريم استعجلتي كثير بكير لتفارقينا

ما النا بهيك مصاب غير الصلاة لبارينا

نصلي ونطلب من الرب يبعث سلامه فينا

ويصبر اهلك يا ريم فارقتيهم وتركتينا

يا ريم استعجلتي كثير بكير لتفارقينا

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير