ادب وشعر | أمطارُه بُشرى للخير بقلم:اسماء طنوس المكر

الاحد 29.09.2024

أمطارُه بُشرى للخير بقلم:اسماء طنوس المكر

2016-01-16 13:44:28

زجل للمطر أمطارُه بُشرى للخير بقلم:اسماء طنوس المكر

ألله المُعطي أمطارُه __________خيرُه كثير وعَم بيزيـد

مِثْلِ الجايِب أخبارُه __________ المَحبِّـــه إلكـــو أكيــد

_______________________

يا ناس شوفوا بركاتُه_________الرَّبّ اللّي بيِعطينا كثيـر

ما بْتِخْلَص حـسناتُــه _________ لِأنُّـــه الرّبِّ القــديـــر

يا اللّا اشكُروا خَيْراتُه_________الرّبّ اللّي عندُه التّدبير

اللّي بيُأمُــر سمواتُــه_________تِعمل في الدِّنيي تَجديــد

_________________________

لا تِنسوا عَفْوَ القادِر _________ يااللّــي غَيَّــر العَــسيـر

ألله الرّحيـم الغافِـــر_________ حَــوَّل الصَّعـبِ يَســـير

عيونُه عَالبشر ساهر_________ بـَدّو بالإيمــانِ نْسيـــر

صابِر عليـنا ناطِــر_________يِرجَع كُل قَلْبِ مْنِ جْديد

__________________________

ربّي اللّي ما بيِنسانا_________ أعطانــا أكثــر وَاكْثَــر

مِثْلِ الأبو بيِرعانـــا_________ بيِعطي فوق ما نِتصَوَّر

ربّي قايِـد مَسعانـــا_________ في الدّربِ ما نِتْــعَـَـوَّر

بأمطارُه اللّي رَوانا_________ خَلَّى الدِّنيي مِثْلِ العيد

__________________________

جايِ بمَوْسِمِ الميلاد_________جايِ يِســتَقبِل يســـوع

جايِ تَيْصالِح الِبْلاد________يِمسح من عينــينا دْموع

جايِ تَيْفَرِّح الِاوْلاد_______يشفي الإنسان المَــوجـوع

جايِب سلامُه المُراد________شَعَّــت أنوارُه مْنِ بْعيـد

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير