ادب وشعر | شوفوا رحمة ربّنا بقلم:اسماء طنوس المكر

الاحد 29.09.2024

شوفوا رحمة ربّنا بقلم:اسماء طنوس المكر

2016-01-19 11:18:36

زجل شوفوا رحمة ربّنا بقلم:اسماء طنوس المكر

جَــت لِنا الخَيْــرات من ربِّ السّـمـا

رَغْم الفساد ال عَمّ بين كُلِّ البشـر

شوفوا يا ناس الرّحمِه مِنّو ما اعْظَما

الله مَحا الِذنوب وعنها قَـــد غَفـَر

شايف قلوب محَجّره وعقول مابتِفهما

تْرَأَّف بِها وعن شَرّها غَضّ النّظـر

حِبّوا بَعِض حُبّ الإلـــه اللّــي ســـما

إنسوا الحِقِد والعُنف اللّي أدَّى للخطـر

شوفوا السّمــا بأمطــارها ما أرحمــا

ربّي اللّي جالس عَرشها علينا نَظَــــر

ربّي ال خَلَقنا ما نِسي عبادُه ورَمـى

عيونُه علينا بيِرعى شعبُه اللّي نَطَــــر

نَظِّفلي قلبَــك منِ الغشـاوِه والعمــى

نَظّــف بَقايـــا الشّـــرّ ما يِبقـــالُه أثَـــر

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير