ادب وشعر | السعاده منكَ وفيك لا تفتّش عليها بقلم:اسماء طنوس المكر

الاحد 29.09.2024

السعاده منكَ وفيك لا تفتّش عليها بقلم:اسماء طنوس المكر

2016-07-22 08:48:07

زجل السعاده منكَ وفيك لا تفتّش عليها بقلم:اسماء طنوس المكر

السّعادِه ان ما كانت فيك ___ مِش مُـمكِـن تلاقيـها

ولَوْ فيــكَ راح بِتكَـفّيـك ___ ما في شي بيساويها

_____________________________

لَوْ قلبـَك ما فيـه سـلام ___ بيبقى قلبَك فارغ فيك

بـتـعــــيش بهـَـمِّ وآلام ___ مين اللّي بَدّو يِشفيــك

ولَوْماتت فيك الأحـلام ___بيجي اليَأس يعَشِّش فيـك

بتْصــير تْـقول بمَـلام ___ زهِقْت الدّنيي وما فيـها

_____________________________

السّعـادِه منِ القناعَــه ___ هِيِّ كنـوز وما بتَـفــنـى

أمّا قْلــوب الطّمّاعَــه ___ كُل شي عندا وما بْتِهنى

وناس ثيــابا لَمّـاعَــه ___ بقلبا نَقْـص وما بتِـغْــنـى

ناس ال هيك أطْباعا ___ الطّــمــع ما بيــداويـــــها

_____________________________

القناعه هـداة البـال ___ غِــنى وسِلْــم ومـحـــبِّــه

والحالِه بأحسن حال ___ هايِ نعــمِـــه من ربّـــي

بشكر ربّي ياللّي شال___ الهَمّ السّاكــن في قلبـــي

والرّوح فِيَّ عال العال___ بأشعاري اللّي بَرويهــا

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير