بدينا بسِنِه جديدِه من بعدِ الميلاد ----------------بطِفْلِ المغاره اُبْنِ مريم هالحبيب  

بِدْيَت برقْمِ جديد  بمَوْسِمِ الميلاد ---------------- مقدّ سِه بالعيد وميلادُه العجيـب

جابتِ الخَيْراتِ وِاُمطار السّما ---------------- ورحمِة إلهِ الكونِ من بَعْدِ الظّمـا

                         مرحبا بالعام وِاُلغَيْثِ اُ ل هَما

---------------------------------------------------------------------------

لا تِيْأسوا بهالعام وعيشوا بالأمل -------------  صلّوا لِربِّ الكونِ فالرّبُّ مُجيب

بتِتبَسَّمِ الأيّام و بتِــحلى كَالعـــسل ------------ والخير معها جايِ وسلاما قريب  

خَلّوا الرّضى بينكُم تَالحُبّ يِتجَلّى ------------ وُاُدعوا لِربِّ الكون تَالعام يِتْحَلّى  

                    وتِثمِر كْرومُ الأرض عْناقيدا تِتْدَلّى  

--------------------------------------------------------------------------

إبْدا بأمَلِ جديد كَضِحكِةِ الوردِ ------------- إتكِلْ عَربِّ الكون وما يْهِمَّك رقيـب

خَلِّ خُطاك وسيعَه واُعمالَك بِجِد----------- راح تِجني منها اُثمار وتاخُذ النّصيب

وتلاقي لك نجاح مِن كَسْبِ الحلال -------- وِتلاقي حالَك مِغْتِـنــي يا اُبْنَ الحلال

                 وِتسبِّحِ الواهِــب لَكَ ربَّ الجــلال