يسوع الغالي الحبيب ____ ما بيِبعِد عنّي وقريب

كُل ما بناديهِ بإسمُه  ____ نِــدائي لُه ما بيـخـــيب

     ____________________

كُنْت مشَربَك بالأفكار____ جاني وصَلَّح أفكاري

كُنْت موَلَّع مثل النّار ____ جاني وطَفّى لي ناري

في دَرْبِي واقف مِحتار___ وَجَّــه لِــيَّ أنــظــاري

كيف بلَحظَه كُلُّه صار___ بسُرعه كان لِيَّ المُجيب

    _____________________

وِبْروحُه السّاكِن فِـيَّ  ___أعطانــي الحلّ الشّــافي

يسوع عارف شو بِيَّ ___ أعــطاني القــلب الدّافي

نعمِة من ربّي هدِيّـَه  ___ الشّـُكُر إلو مِش كـــافي

لَوْلاهُ شو صــار فِيَّ  ___ هُوِّ شمسي ال ما بِتغيب

    ______________________

يسوع ثَبَّت أقدامـي   ___ خَلّى صُبحــي يوم جديد

هُوِّ ال حَقَّق أحلامي ___ صار الصّــديق الوحيــد

وفَرَّح لِيَّ أيّـــامــي  ___ وخَـــلّى نجاحـــي أكـــيد

مِنّو نوري وسلامي ___ لِقلوبنـــا وَحْــدُه الطّبيــب

   _______________________

في الدُّروبِ مرافِقْني___ هُوَّ عصــايَ وعُكّــــازي

وبأسوارُه محَوِّطني ___ سَــدّلّــي كُــــلّ اعْــوازي

بيِدعمني وبيشَدّدني ___ أصبـــح وُقودي وكــازي

وأنظارُه بِتلاحِقني  ___  عيـــونُه عَــــلَيِّ رَقيـــب