زجل     بالحِكمَه يُبنى البَيت    بقلم:اسماء طنوس المكر

بالحِكمِه ربّ الكون خَلَق الدِّنيي بإشـارَه

                وكُـلٌّ بِخَلقُـه أعـطـالُـه أهمّيِّـه ومَـكانِـه

خلَق في سَماهُ الشّمــس لأجــلِ الإنــارَه

                وقمر ونْجـوم تِضـوي ليلَـك والمكــانِ

والشّمس بتعطي الحياه بِنورا والحرارَه

               بدونا ما عاشَ خَلْقٌ في الدّني ولاثواني

وخلَق السُّهول والجبال أنهارا وبِحــارَه

               وخلَقَ النّبات وِالزّهـور لَوَّنهـا بِالْــوانِ

ألله ضَبَط هَالكَوْن بكُل حِكمِـه وجَـدارَه

                وسَـمّى كُلّاً بِاسـمِـهِ وأعطـالُه مَـكانِـه

وكانت حكمِتُه للناس نصيحه ومَنــارَه

                تَـيُسـلُكـوا بأنـوارها وِيْعـيشـوا بأمـانِ

والحكمَه تبني بيوت بتِعطيلَك اسرارا

                بتعيش بسعادِه وحُب وبِتحقّق أمـاني

الحِكمه نـورُ الله ما تْجيـب الخسـارَه

               فيها كَرامِه وشَــرف وِرُتْبِـه وكِيــانِ

في الحكمِه جنِّة نعيم ما فيها مــرارَه

              راح تِحفظَك من سوء ولَبيتَك صِيانِه

تْمَسَّك بها عَطول وأعطيها الصّدارَه

               لَــوْ مـا طـلَبْتـا الـبيت رايِـح يِـنهِـدِم

وبيصيرمكان جَهَنَّم  لِحرب وخيانِه