"دموع على...أهالي الغوطةِ الشّرقيّة"

بقلم:شريف صعب-أبوسنان

                        ليكوا الغوطة سابحه في مجزرهْ                        أحياءها وكلّ الحاراتِ محاصرهْ

                        شوفوا العذارى نايحه ومرمرهْ                          عَ ولادْ عُزّلْ...داهمِه "لِمجنزرهْ"

                       يمكنْ من الرّحمانْ هيك مقدّرهْ                           بلادِ العربْ،تصيرْ أرضِ مدمّرهْ

                       وكلّ الأممْ...لا من سمِعْ،لا من درى                 ...ملوكِ العرب،لا أحدْ باع ولا اشترى

                       وجيش الأسد؟

                       جيشِ"الأسد"فلتانْ مثلِ المدبرهْ                          حوّلْ بلادو لضياعِ..."مشحّرهْ"

                       وطيّارْ"روسي"هامْ وسطِ الطّائرهْ                        وايران تضرُبْ...صواريخِ مشفّرهْ

                        أمواتْ، ما بعرف أحدهُم شو جرى                     تهشّمْ جسدهُم من نوايا مْدبّرهْ

                       بَطْشِ الجَهِلْ خلّا  البلادِ معثّرهْ                          حجارِ الّلعبْ ضاعتْ في أرض،مْبعثرهْ

                       يْموتِ الشّعبْ،تتهدّمْ ضياعُ وقُرى                       بسّ الأصلْ،ما تضيعْ منّا"المخترهْ"!

                      ..."مِقدام"...ماشي عالهدا في بخترهْ                   جبّارْ على شعبو،بيعملْ"عنترهْ"

                       ما في دوا،ما في"هوى"،يا هل تُرى                هل ورثتِ"العربانْ"نهجِ الشّنفرى!؟

                       ...مِدري"صعاليكِ"الأرضْ لِمحيّرهْ                    توطّدتْ في بلادْ "حُكم المسخرهْ"

                       الجوعْ ضاربْ...أكلْ كُلّو"مجدّرهْ"                     خَيرِ النفِط رايحْ... لأُمّه "مْحضّرهْ"

                        شو عملتْ"العُربانْ"،دخلكْ،يا تُرى                    حتّى الحياهْ صارتْ تعيسه مْكدّرهْ!

                       ...باينْ تاريخِ العربْ كذبُ وثرثرهْ                      كلِّ السجلّاتِ القديمهْ...مزوّرهْ

                        قَضّوا الحياهْ شيعي وسِنّي وبربرهْ                      نسيوا شؤونِ شعوبهم...والتّذكرهْ

                       في الأندلسْ خسروا العَقِد والجوهرهْ                    في الشّرقْ،ناموا والكرامهْ...مْحجّرهْ                                     الأتراكْ فِلتتْ في أراضي"مبوّرهْ"                    والفُرسْ هاجتْ في نفوسِ...مكسّرهْ  

                       ضاعِ الأملْ..... ما دامْ عنّا شوشَرهْ                   وعقولنا جُوّى خوابي...مْخمّرهْ

                       راح تبقى أُمّتنا الحزينهْ مْشتّتي                        ما دامنا بنذوبْ....مع"غنجة مَرا"!!