تعزيه في فقدان المعلم المربي والمدير الاستاذ نسيب شحادة

"اُذْكُرُوا مُرْشِدِيكُمُ الَّذِينَ كَلَّمُوكُمْ بِكَلِمَةِ اللهِ. انْظُرُوا إِلَى نِهَايَةِ سِيرَتِهِمْ فَتَمَثَّلُوا بِإِيمَانِهِمْ." (رسالة بولس الرسول إلى العبرانيين 13: 7)

بيوقف الوقت والدمع بيختنق
وبترجع الايام توقف عالمفترق
وبتصير الذكريات ترجع فينا
لاحلا ايام كنت فيها معلم لبق

علمتنا باتقان واعطيتنا الامان
بهدوءك المعهود كنت الكسبان
لقلوب طلابك اللي عليك تعودت
مش بس كنت معلم كنت الها الربان

صادقت المعلم وطلابك كمان
علمتنا بمحبة وبالدعم والايمان
وصلتنا عالدرب لنكمل الحياة
وما كان عندك شك بقدرة الانسان

وبيوقف الوقت عالدرج حيران

وبيوقف الوقت عالدرج لحظات
بيوقف الوقت ليذكرني بشغلات
بالتحية لاقيتني وباحلا كلمات
بديت انا علم وزاملتك سنوات 

كنت البوصلة في كل المتاهات
وصلت الرسالة باصعب الاوقات
كنت معلم على مثال المعلم 
اعطيتنا الامان معلمين ومعلمات

وبهدوءك المعروف والبسمة عالوجنات
تعودنا عليك تحل الازمات
حافظت على القديم ومنه كملت
كنت السند الصحيح بكل الاوقات

وبعدني عالدرج والصوت عالدرجات
رجعت عالوقت من بعد سنوات
الموت غيب عنا احلا اللحظات 
الموت غيب عنا من غير مراجعات

كثار اللي سبقوا بسنين وايامات
الحزن عالفراق ما فيه منازعات
لكن النا جميعا رجاء عالقيامة 
ليصلولنا مع القديسين والقديسات 

تعزية من القلب للزوجة والغاليات
وللاهل الكرام الاخوة والاخوات
لروحه السلام والرحمة 
مع القديسين والقديسات 

     الله يرحمه 
         ....... ليكن ذكره مؤبدأ ......

                    كميليا سعدة 
                        ايلول 2018