"أمنية من العام الجديد"     من شريف صعب-أبوسنان

يا سِنة ألفين وعشرين تفضّلي
                     عا  قلوبنا وقلب الغوالي أٌدخلي
كلّ الّلي سبقوكي ما وفّونا لِعهود

                            خيّبونا وشبّعونا مرجلة

 قالوا:"انشالله تنهدم كلِّّ لِحدود

                              يعُمّ السّلام وكل ّغيمة 
تحِلّ الأمانة وتنفدي كلّ لِوعود
                         تعود العتابا عا ساحات ابو علي

والعنصريّة تزول والإلفة تْسود

                       ما نعود نستعمل السيّف الفيصلي

الأخوّة تعود لأرض لِجدود

                        نحفظ الجيرة وما تعود مقاتلة
تزول البلايا وما نطخطخ عالورود
                          نملّي قرانا بالغُنا والتّرغلة
ما يعود ولا إنسان مغدور ومفقود
                          ومجتمعنا ما يعيش بمهزلة
تحت العنب والتّين نقعد كالأسود
                  لا طمع،لا سرقة ولا ظغون وغلي!"
هاي الأماني تبدّدت مثل البارود

                         إلْ بدّد أماني لشباب مدلّلة
ياما صبايا تغيّبت من هالوجود

                     كذبة-شرف وجنون إبن العائلة
...زهقنا،يا عقد جديد آمال ووعود
                    إلنا طلب من حضرتك ومن ربّنا

تْعُمِّ القناعة والمطامع تختِفي/...
                      وتبقى سنينك بالمحبّة مْحمّلة!!!