من ديوان " وادي النحل 1996" للشاعر يوسف فخرالدين

شعر بالعامية- زجل
 
 
بالدار صار يصيـــــح يا جِدّو

            كــل الدني ما بْحِبّْــــها قَـــــدّو

فرفور بَعدو زْغير هالزغلول

            بِشْفّــق ان بُسْتــو شِدّ عا خـَدّو

شوقي إلو لو غاب مش معقول

            ملَبَّــس بْعَـــبّي جْيابْ تا وِدّو

بْيهْـــجم عْلَيّي بَسّْ مشْ بهلول

            بْيِهْدا عَ صدري بعد ما شِدّو

بيمِدّ إيدو شعر راسي  يطول

            وْلـَوْ مَدّْها عالقَلب ما بْــــرُدّو

دوبو البْيحْكي، شو حَكى مَعسول

            صُرت بْعُيونو شوف شو بَدّو

بـــيدًوْرِج بْهالدّار شو بيجول

            بْيفتَح شْوَيّ البـــاب،   بيرُدّو

ولو شاف إنّي طالع ومشغول

            بالباع دربي بْـيُرْكُض يْسِـــدّو
 

بيبدا عْلَيّي غْناج عرض وطول

            دْمـوعو على الخــــدّين بينـَدّو

وان إجت إمّو تاخْذو بيـــقول:

            "ماما يا جِـــــــدّو دِدّها  دِدّو"

وْكلْ ما بْتِجي ت َ تْلَبّسو مريول

            بْيزْعَل ع شان زغيـر بِتـْـــعِدّو

وعالأكل حد الطالوْله عا طول