شعشعي انوارك يا شمس ع كون ازرارو     وضوي يا قمر ووهجّ ع العالم واسوارو

ابكي يا لحن ع الروح ودندن اوتارو          خلي الليل يبدا يداعب نجوم اقمارو

تعا يا موج البحر ع شط اسرارو             وامحى كل المكتوب ع الرمل واخبارو

البحر حيران لأي شط يقذف امواجو          من كثر الشوق صار مضيع احبابو

البستان بيبكي من عطش افنانو                والورد بفتح ع ايد الصبيه انوارو

البلبل بينشد ع الصبح اصواتو                وبيروي شو شاف بليل احلامو

الرسام بيرسم صوره من خيال ابداعو        طفل بيهدي امو هديه بعيدها اشواقو

الام بتحمي ابنها من قلب اعماقو             مثل الورد بيحمي حالو بورق اشواكو

الفيّ بقل من الشجر بسقوط اوراقو          والمركب ما بيهدي من جنون ابحارو

هالعمر ما الو سوى المعروف اعمالو        والشر مرتد وما الو سوى اخذالو

الانسان الصادق من الواجب اكرامو         بفضل الاخلاص والايمان وبفضل احسانو

المجتمع رابي عدرب الكذب اهمالو          ليش يا بشر تنكون من امثالو

يا ناس ارضو بحكم الله واقدارو             ما غير التسامح طريق للخير اسيادو

قومي يا قيامه اسمعي الانام واقوالو         نحنا ما منعترض ع حكم الله اختارو