هلّي ع باب ديارنا هلي                              يسعد مساكي منين هالطلّه
كبوش الزّهر والفل والجوري                      بدهم رضاكي بس ما تفلّي
اهل الهوىطقوا من الغيره                          شو مالهم شو صابهم قولي
وحبل الغوى ممدود يا زغيره                      لا تطمعي ولا تشمخي ياللي
شمس الضحى والبدر في حيره                   لمّا على برج السّما تحلّي
حتى الحواري حيهّم زوري                          في جنّة الرّحمن تتجلّي
جالك ملاك الرّب تتعيري                         حسن ولباقه ودين تتصلّي
وفي معبد العشّاق تتصيري                       رمز الوفا والحب ودلّي
الهايم بدرب الشّوق وتسيري                     عا ملعب الخلاّن تتحلّي
انت بقلبي كنز وكبيره                             قد الدّني باخلاصك تغلّي
مهر الطهاره وعالرخص ثوري                 ولا تفزعي وحسادك تغلّي
وتبقي مدى الايام تفسيري                       لحلمي وحياتي كلّها تملّي
                   سعد وهنا في ديرتي ظلّي