جايي اكتب سطرين عن قلب عشقان        من لوعه الحب عم يرجف بردان
 
صاير المسكين ببحر الحب غرقان           بعد ما كان من الهم مليان
 
سألت شو الحكايه هالقد غرمان            قلي لسه ما بتعرف ومنّك دريان
 
النصيب بيجي لوحدو عميان              ما بدو عيون تقشع يا فهمان
 
قال امبارح رحت عالعين عطشان        التقيت بحوريه وصرت اغلي غليان
 
سألتها مخطوبه يا بنت السلطان           ردت وقالت لي انت غلطان
 
انا حبيتك من نظره يا جهلان            رحت وقطفت لها ورده ريحان
 
اعطيتها الورده بشوق وحنان             وقلت انا فيكي مغروم ولهان
 
قعدت حدها من عبيرها غيران         سألتني عن الطفوله وعن زمن الصبيان
 
قلت بيي امين وببيت امين ربيان       سألتها شو الحب وشو انتي من النسوان
 
قالت الظاهر انّك ببوسه رغبان         فكرت ببالي كأنها بتعملي امتحان
 
رديت انا جنبك بنسى حالي نسيان      وببوسه وحده ما بكون رضيان
 
قالت شباك تهورت وصابك جنان    قلت عيونك ما بدهن كاس تيسكر السكران
 
بتقول جيت عالعين لتشرب يا ظمئان   رديت من ميّه عيون بنيّات رويان
 
قالت شو مطلبك والغايه يا ولعان     قلت عم دوّر على شي حضن دفيان
 
 تعا قلبي وروحي الك يا هويان      قلت حبك صار يجري بدمي جريان
 
قالت تعا نهرب سوى بطريق امان    قلت بوعدك طول العمر جنبك بقيان