ادب وشعر | زجل بَدّي الهَنا بقلم:اسماء طنوس المكر

الثلاثاء 16.06.2026

زجل بَدّي الهَنا بقلم:اسماء طنوس المكر

2015-11-08 20:23:01

زجل بَدّي الهَنا بقلم:اسماء طنوس المكر

غير الهَنــا ما بَـدّي

ما بَدّي جراح

ولَمّا الغِنـا في قلبـي

قلبي بيِرتـاح

____________

بَدّي اطيــر وأعَلّــي

رِفّ الجناحين

أنا قلبي اختار المغنى

لا دموع العين

يا قلبــي إرمِ حُزنَــك

غَنِّ يا عــيـــن

لا تْخَلِّ الهَـمّ يْجُــرَّك

إنسَ اللّي راح

___________

يا قلبي خَلّيك دايْـمــاً

بُلبُـل صَــدّاح

خَلّيـك غَنِّ اللّيــالـــي

حتّى الصّبـاح

إنتَ الدّوا الِمــداوي

شافي الِجراح

وانتَ الزّهِر الِمعَطّـر

خَلّيــك فَـوّاح

____________

المقالات المنشورة تعبر عن رأي كاتبها فقط، وموقع المدار بفسح المجال أمام الكاتب لطرح افكاره االتي كتبت بقلمه ويقدم للجميع مساحة حرة للتعبير